9 июньдә Иннополис үзенең беренче юбилеен 1NN0 туган көн фестивале белән билгеләп үтте.

Фестивальне Санкт-Петербургтан «Күк каруселе» урам театры ачты. Артистлар Чинизелли токымы һәм цирк турындагы спектакль күрсәтте.

Аннары сәхнәдә «АСАП» Иннополис төркеме, Казан музыкантлары Beku һәм хопелес, Beautiful Boys төркеме һәм кичәнең хэдлайнеры PIZZA чыгыш ясады.

Сәхнә янында DJ Bubblegum электрон сетлары астына аш-су фестивале узды. Монда ук юбилейга махсус чыгарылган мерчның чикләнгән коллекциясе тәкъдим ителде.

Фестивальдә Татарстан Премьер-министры урынбасары Роман Шәйхетдинов һәм Иннополис мэры Дмитрий Вандюков чыгыш ясады. Роман Шәйхетдинов шәһәр төзелешен башлап җибәрүчеләргә рәхмәт белдерде: «Рөстәм Миңнехановка һәм Николай Никифоровка — әлеге проектка нигез салган кешеләргә сәлам». Мэр халыкны татарча сәламләде: «Хәерле кич, кадерле дуслар!» — һәм Иннополисның, яшь булуына карамастан, Татарстан һәм Россиядән читтә дә инде танылган булуын билгеләп үтте.

Фестиваль стратегик партнерлар — «Иннополис» МИЗ, Иннополис Университеты һәм «Иннополис» АҖ ярдәмендә оештырылды. Генераль партнер — Ozon.